پشاور (آئی پی ایس )شمالی وزیرستان میں گزشتہ رات نامعلوم حملہ آوروں نے گرلز مڈل اسکول پر حملہ کرکے اسکول کو بارودی مواد سے اڑا دیا۔
شمالی وزیرستان کے گاوں زیرکی میں گزشتہ رات حملہ آوروں نے رات کی تاریکی کا فائدہ اٹھا کر گرلز مڈل سکول کو بارودی مواد سے اڑا دیا۔دھماکے سے اسکول کی عمارت زمین بوس ہوگئی،،حملے میں کوئی جانی نقصان نہیں ہوا، پولیس کی جانب سے واقعہ کی تفتیش کی جارہی ہے۔اس سے قبل 9مئی کو شمالی وزیرستان میں نامعلوم شرپسندوں نے لڑکیوں کے نجی سکول کو بم سے اڑا دیا تھا۔ نجی اسکول شوہ درازندہ کورات گئے بارودی مواد سے تباہ کیا گیا تھا۔
(بشکریہ:سب نیوز)
