جھنگ : سابق وفاقی وزیرسیدہ عابدہ حسین نے این اے114میں پی ٹی آئی کے امیدوارصاحبزادہ محبوب سلطان کی غیرمشروط حمایت کا اعلان کر دیا۔جھنگ میں شاہ جیوناہاؤس میں پریس کانفرنس کےدوران سیدہ عابدہ حسین نےکہا کہ اُن کی بیٹی سیدہ صغریٰ امام این اے 115 سے آزاد امیدوار ہیں لیکن انہوں نےصاحبزادہ محبوب سلطان کی غیرمشروط حمایت کا اعلان کیا ہے۔ان کا کہنا ہے کہ این اے114 آبائی حلقہ ہے، ہماری حمایت سے محبو ب سلطان کی فتح کے امکانات بڑھ جائیں گے۔اس موقع پر پی ٹی آئی امیدوار صاحبزادہ محبوب سلطان نے کہا کہ این اے 115میں پی ٹی آئی کی امیدوارغلام بی بی بھروانہ الیکشن لڑ رہی ہیں اس لئے وہ این اے 115میں سیدہ صغریٰ امام کی حمایت نہیں کریں گے۔
