اسلام آباد : اتوار (21 مئی) کو دنیا کی سب سے بلند چوٹی سر کرنے والے چوتھے پاکستانی لیفٹننٹ کرنل (ر) عبدالجبار بھٹی کو پہاڑ سے اترنے کے دوران صحت کی خرابی کا سامنا ہے۔ 2013 میں ماؤنٹ ایورسٹ سر کرنے والی پہلی پاکستانی خاتون ثمینہ بیگ کے بھائی، کوہ پیما مرزا علی بیگ نے بتایا کہ کرنل بھٹی کی طبیعت تشویش ناک ہے۔ ان کا کہنا تھا کہ ماؤنٹ ایورسٹ کی چوٹی سے واپسی کے سفر میں سابق فوجی اور ان کے گائیڈ کے پاس آکسیجن ختم ہوگئی، تاہم خوش قسمتی سے ایک اور پارٹی نے انہیں تلاش کرلیا اور آکسیجن فراہم کردی۔ مرزا علی بیگ کے مطابق ‘دونوں افراد کو 8 ہزار 700 میٹر کی بلندی پر واقع کیمپ 4 میں سلیپنگ بیگز میں رکھا گیا ہے’۔
(بشکریہ:ڈان نیوز)
Previous Articleبرطانیہ میں خود کش حملہ : مرنے والوں کی تعداد 22 ہو گئی
Next Article غزل : جاگ اٹھتی ہے طلب، کیا کہیے ۔۔ عمار غضنفر