لیہ۔تبلیغی جماعت کے اراکین نے کورونا لاک ڈاﺅن کے دوران مختلف شہروں میں مساجد اور تبلیغی مراکز کو قرنطینوں میں تبدیل کرلیاجبکہ لیہ میں تبلیغی مرکز کے قرنطینے سے فرارہونے کی کوشش کرنے والے تبلیغی جماعت کے رکن نے ایس ایچ او پر چھریوں سے حملہ کر کے شدید زخمی کردیا۔
پولیس کے مطابق لیہ کے تبلیغی مرکز میں کورونا وائرس کے خطرے کے پیش نظر بنائے گئے قرنطینہ میں تبلیغی جماعت کے 200ارکان کو رکھا گیاتھاجہاں سے ضلع صوابی کے رہائشی عبدالرحمان نے بھاگنے کی کوشش کی اور دیوار پر چڑھ گیا۔ ایس ایچ او سٹی محمد اشرف ماکلی کے روکنے پر عبدالرحمان نے چھریوں کے وار کرکے انہیں زخمی کردیا۔ابتدائی رپورٹ کے مطابق چھری کا ایک وار سینے میں اور دوسرا وار پیٹ پہ کیا گیا۔مضروب کو ڈی ایچ کیو ہسپتال لیہ منتقل کر دیا گیا ہے جہاںان کی حالت خطرے سے باہر بتائی جا رہی ہے۔
ملزم کو گرفتار کر کے اس کے خلاف مقدمہ درج کر لیا گیا ہے۔
لیہ میں تبلیغی جماعت کے 200 ارکان نے مسجد کو قرنطینہ بنا لیا : ایس ایچ او حملے میں شدید زخمی
ایڈیٹر2 Views
