لیہ میں شدید زلزلہ : لوگ خوف زدہ ہو کر گھروں سے باہر نکل آئے

لیہ : پنجاب کے ضلع لیہ میں زلزلے کے جھٹکے محسوس کیے گئے ہیں۔زلزلہ ہفتہ کی شب 7:58 پر آیا زلزلےکے جھٹکے ضلع بھر میں محسوس کیےگئے، شہری کلمہ طیبہ کا ورد کرتے ہوئے گھروں سے باہر نکل آئے۔
زلزلہ پیما مرکز کے مطابق زلزلے کی شدت 5 اعشاریہ صفر ریکارڈ کی گئی جب کہ گہرائی 20 کلومیٹر تھی۔
زلزلے کا مرکز لیہ کے مشرق میں 50 کلومیٹر دور بتایا جارہا ہے۔
کروڑ لعل عیسن ، فتح پور اور ملحقہ علاقوں میں بھی زلزلے سے شہری کلمہ پڑھتے ہوئے گھروں سے باہر نکل آئے
ملک کے کسی اور حصے سے زلزلے کی اطلاع موصول نہیں ہوئی