دو گز زمین بھی نہ ملی : روحی بانو ترکی میں امانتا سپرد خاک

استنبول : طویل علالت کے بعد 25 جنوری کو دوران علاج ترکی میں انتقال کر جانے والی پاکستانی ڈراموں کی ماضی کی مقبول اداکارہ روحی بانو کی تدفین کردی گئی . خاندانی ذرائع کے مطابق روحی بانو کو ترکی میں امانتا دفن کردیا گیا۔ ڈان نیوز نے کے مطابق روحی بانو کو استنبول میں دفن کیا گیا۔ روحی بانو کی بہن روبینہ یاسمین کا کہنا ہے کہ ان کے خاندان کے پاس اتنے وسائل نہیں کہ وہ بہن کی میت کو پاکستان لا سکیں۔ انہوں نے بتایا کہ ان کے اہل خانہ نے حکومت پاکستان سے روحی بانو کی میت پاکستان منتقل کرنے کی درخواست کی ہے۔ خاندانی ذرائع کا کہنا ہے کہ جب تک حکومت پاکستان روحی بانو کی میت کو ملک لانے کی درخواست قبول نہیں کرتی، تب تک انہیں امانتا استنبول میں دفن کیا گیا ہے۔