ملتان :گیس سلنڈر لیک ہونے کی وجہ سے ملتان کے علاقے مچھلی منڈی میں گیس سلنڈرزکی دکان میں آگ لگ گئی ۔
ریسکیو 1122کے مطابق ریسکیو کنٹرول کومنگل کے دوپہر مچھلی منڈی سے آگ لگنے کی کال موصول ہوئی ۔کالر کے مطابق گیس سلنڈر کی دکان میں گیس لیکیج کی وجہ سے آگ لگی ہے اور تیزی سے پھیل رہی ہے ۔ ریسکیو اہلکاروں نے موقع پر پہنچ کر بتایا کہ موقع پر موجود لوگوں کے مطابق مچھلی منڈی میں گیس سلنڈر کی دکانوں میں گیس لیکج کی وجہ سے اگ لگی ہے ،ریسکیو اہلکاروں نے فوری آپریشن کرتے ہوئے اگ پر قابو پانے کے لیے فائر فائٹنگ شروع کر دی ہے، دکان میں مزید گیس سلنڈر ہونے کی وجہ سے اگ لگنے کا خدشہ ہے ۔فی الحال کسی جانی نقصان کی اطلاع نہیں ملی ۔واقع کی اطلاع ملتے ہی مقامی پولیس بھی موقع پرپہنچ گئی ہے ۔