دوسال کے دوران ملتان میں ایڈزسے متاثرہ خواتین کی تعداد میں اضافہ ہوا،پنجاب ایڈزکنٹرول پروگرام کی ر پورٹ

ملتان:( اے پی پی ) گزشتہ دوسال کے دوران ملتان میں ایڈزسے متاثرہ عورتوں کی تعدادمیں اضافہ ہواہے ۔
پنجاب ایڈزکنٹرول پروگرام کی رپورٹ کے مطابق جنوری 2021ءتک ملتان میں اس بیماری کے مریضوں کی تعداد ایک ہزار تھی جن میں 179عورتیں شامل تھیں ۔اپریل 2023ءتک شہر میں ایڈزکے رجسٹرڈمریضوں کی تعداد1300سے زیادہ ہوگئی جن میں 411عورتیں شامل ہیں ۔
نشترہسپتال ملتان کے سرجن ڈاکٹرشکیب فیض خان نے بتایاکہ ایڈزمیں اضافے کی دیگروجوہات میں غیرمحفوظ جنسی تعلقات کے علاوہ انتقال خون اورطبی آلات سرنجوں اورحجاموں کے آلات کاغیرمحتاط استعمال بھی شامل ہے ۔
دریں اثناءسول ہسپتال ملتان میں ایڈزکے علاج کایونٹ قائم کردیاگیاہے جہاں روزانہ مفت ادویہ بھی فراہم کی جارہی ہیں ۔