ملتان ۔۔ ایم ایس نشتر ہسپتال ملتان ڈاکٹر راؤ امجد علی خان کو عہدے سے ہٹا دیا گیاہے اورانہیں فوری طور پر محکمہ سپیشلائزڈ ہیلتھ کیئر اینڈ میڈیکل ایجوکیشن میں رپورٹ کرنے کی ہدایت کر دی گئی ہے۔نشتر ہسپتال ملتان کے پرنسپل میڈ یکل آفیسر ڈاکٹر عبد القادر خان کو مستقل ایم ایس تعینات ہونے تک اگلے تین ماہ کیلئے ایم ایس نشتر ہسپتال ملتان کا اضافی چارج دے دیا گیا ہے۔ڈاکٹر امجد گزشتہ دو برس سے اس عہدے پر فائز تھے ۔
