اسلام آباد :الیکشن کمیشن آف پاکستان نے مظفر گڑھ سے رکن قومی اسمبلی جمشید دستی کو نااہل قرار دے دیا۔ منگل کے روز جاری اپنے فیصلے میں الیکشن کمیشن کا کہنا ہے کہ جمشید دستی کو جعلی تعلیمی اسناد رکھنے کی بنیاد پر نا اہل قرار دیا گیا ہے۔
کمیشن نے جمشید دستی کے خلاف سپیکر قومی اسمبلی کا ریفرنس منظور کرتے ہوئے ان کی نااہلی کی دو درخواستوں منظور کرلیں۔
سپیکر قومی اسمبلی سردار ایاز صادق نے جمشید دستی کی نااہلی کا ریفرنس الیکشن کمیشن کو بھیجا تھا۔ واضح رہے کہ مئی میں الیکشن کمیشن نے جمشید دستی کے خلاف اثاثوں اور تعلیمی اسناد سے متعلق دائر درخواست کی سماعت مکمل کرکے فیصلہ محفوظ کیا تھا۔ جمشید دستی 2024 کے عام انتخابات میں مظفرگڑھ کی نشست این اے 175 سے آزاد امیدوار کی حیثیت سے منتخب ہوئے تھے۔
Previous Articleتوہین مذہب کے مقدمات : اسلام آباد ہائیکورٹ کا فیکٹ فائنڈنگ کمیشن بنانے اور کارروائی براہ راست نشر کرنے کا حکم
Next Article ریحام خان نے سیاسی جماعت بنانے کا اعلان کر دیا