اسلام آباد:وفاقی حکومت نے پنجاب حکومت کو پولیس اور خفیہ اداروں کے اہلکاروں پر مبنی مشترکہ تحقیقاتی کمیٹی (جے آئی ٹی) تشکیل دینے کیلئے مراسلہ لکھ دیا۔ پنجاب کے علاقے وزیر آباد سابق وزیراعظم و چیئرمین تحریک انصاف عمران خان پر فائرنگ کے واقعے کی تحقیقات کیلئے وفاق نے صوبائی حکومت کو خط لکھ دیا۔مراسلے میں وفاق نے پنجاب حکومت سے جوائنٹ انویسٹی گیشن ٹیم (جے آئی ٹی) تشکیل دینے کی درخواست کی ہے جس میں سینئر پولیس افسران اور خفیہ اداروں کے نمائندوں شامل کرنے کا کہا گیا ہے۔وزارت داخلہ نے مراسلہ چیف سیکرٹری پنجاب، آئی جی پنجاب اور ایڈشنل کو ارسال کر دیا جس میں کہا گیا ہے کہ مشترکہ تحقیقاتی کمیٹی واقعے کی شفاف انکوائری عمل میں لاسکے گی۔
بشکریہ ایکسپریس نیوز