کنٹریکٹ پیشکش نہ ملنے پر ٹیسٹ کرکٹر نے دلبرداشتہ ہوکر غصہ میں ریٹائرمنٹ لے لی.
آسٹریلیا کیلئے 9 ٹیسٹ میچ کھیلنے والے سٹیو اوکیف نے طویل فارمیٹ کی کرکٹ کو الوداع کہہ دیا.
نیو سائوته ویلز کے سابق کپتان کو انکی ٹیم نے اگلے سیزن کیلئے کنٹریکٹ کی پیشکش نہیں کی تھی جس کے بعد انہوں نے فرسٹ کلاس کرکٹ سے فوری ریٹائرمنٹ کا اعلان کردیا.
35 سالہ اسپنر نے محدود اوور ز کی کرکٹ کھیلتے رہیں گے. ٹیم کیلئے انہوں نے 15 سال صرف کئے اور 88میچز میں 301 وکٹیں لیں .
ٹیسٹ میچ میں انکی بھارت کیخلاف صرف 70 رنز کے عوض 12 وکٹیں بہترین پرفارمنس ہے.
سٹیو اوکیف جون میں ٹیم کے ممکنہ دورہ بنگلہ دیش کے لئے بھی مضبوط امیدوار تھے .دورہ اگرچہ کورونا کی وجہ سے مشکوک ہے لیکن اسپنر نے ریٹائرمنٹ شدید مایوسی اور غصہ میں لی ہے.
