لاہور:پاکستان مسلم لیگ (ن) کے رہنما و پنجاب اسمبلی میں اپوزیشن لیڈر حمزہ شہباز کو جیل سے رہا کردیا گیا۔
گزشتہ دنوں لاہور ہائیکورٹ نے حمزہ شہباز شریف کی ضمانت منظور کرتے ہوئے رہا کرنے کا حکم دیا تھا جس کے بعد آج ضمانتی مچلکوں کی جانج پڑتال کے بعد احتساب عدالت نے روبکار جاری کیا۔
روبکار جاری ہونے کے بعد حمزہ شہباز کو جیل سے رہا کردیا گیا جبکہ مسلم لیگ (ن) کی نائب صدر مریم نواز خود اپنے چچا زاد بھائی حمزہ شہباز کو لینے جیل کے باہر پہنچی تھیں۔
مریم نواز، مریم اورنگزیب، عطا تارڑ اور حمزہ شہباز ایک ہی گاڑی میں سوار تھے جبکہ مریم نواز نے گاڑی میں ہی بھائی حمزہ شہباز کے ساتھ سیلفی بنا کر پوسٹ کی۔
اس کے بعد مریم نواز نے مریم اورنگزیب کی جانب سے ٹوئٹ کردہ تصویر پر لکھا کہ ‘ایک اور ایک گیارہ ماشاءاللہ’۔
خیال رہے کہ گزشتہ دنوں مریم نواز نے کہا تھا کہ حمزہ رہا ہو گا تو ہم ایک اور ایک گیارہ ہو جائیں گے۔
(بشکریہ: جیونیوز)
