ملتان ۔۔ گردوپیش رپورٹ ۔۔ رضی الدین رضی سے ۔۔ معروف شاعر ،ماہر تعلیم اوردانشورڈاکٹر فرتاش سید کوہم سے بچھڑے چار برس بیت گئے ۔ان کا 18اپریل 2021ءمیں کرونا کے باعث انتقال ہوگیاتھا۔فرتاش سید کاتعلق وہاڑی سے تھا۔وہ 15اپریل 1968ءمیں پیدا ہوئے۔ انہوں نے زکریایونیورسٹی ملتان سے ایم اے اردو کیا اور شعبہ تعلیم سے وابستہ ہوگئے۔ فرتاش سید کئی برس قطر میں بھی رہے جہاں انہوں نے ادبی سرگرمیوں میں بھرپورحصہ لیا۔وہ وفات سے قبل جی سی یونیورسٹی لاہور میں لیکچرار کے طورپر خدمات انجام دے رہے تھے۔ان کی مطبوعہ کتاب میں حاشیہ (غزلیات /2009ء)، ہر ورق پر اسی کا نام (شاعری/1992ء) ، آخر کب تک ، مجلس فروغ اردو ادب کی ادبی خدمات(مقالہ ایم فل، طبع 2009)، برملا (شعری مجموعہ/ 2022ء) ، جدید اردو غزل، خال و خد (2020ء / تنقید) ،بات رہتی ہے (کلیات / 2023ء) اور دیگر کتب شامل ہیں ۔۔۔
