میراثیوں کی فوتگی ہو گئی تو جنازہ کچھ اگوانڑوں کی آمد کا منتظر تھا دوران انتظار ان میں سے ایک پختہ عمر کا میراثی با آواز بلند بولا ”اوے ممدو جے تک سایں ہنڑی پجدن ذرا پولی پولی ڈھولکی تا وجا بیٹھے “ممدو جب تک اگوانڑ پہنچتے ہیں ذرا ہلکی تھاپ پہ ڈھولکی بجاتے رہو تا کہ وقت گزرے۔
2011 کے اواٸل دنوں سے طبقاتی تفریق کے نتیجہ میں غربت کی وجہ قریب قریب سمجھنا شروع ہوے تو ایک نۓ طبقہ فکر کے سیاسی اسلوب کے ساتھ دینے کا جزباتی طور پر اعادہ ہوا تو عملی جدوجہد کو بھی عروج حاصل ہوا اور ہم بھی ہٹو بچو بچاو کے نعروں کے ساتھ ایک سیاسی ریلے میں بہہ نکلے۔بات ریلی سے ہوتی ہوئی ایک سو چھبیس دن کے دھرنے تک جاری رہی مگر ٹوٹ پھوٹ اور سمجھتے پڑھتے ہم جیسے کتنے پولی پولی ڈھولکی پہ سر دھنتے رہے اور بیانیوں کو ذہن نشین کرتے رہے اور ناپ تول بھی جاری رہا۔
اسٹیبلشمنٹ و اداروں کے الزامات کو مسترد کرتے قطعا یہ ماننے کو تیار نہ تھے کہ ہم بھی گزری ایک نسل کی طرح شخصی تقدس کے زایچے میں ڈھالے جا رہے ہیں اور ایک جنازہ میں محو انتظار ہیں ہاں مگر پولی پولی ڈھولکی پہ وقت گزر رہا ہے۔ بڑے بیانیوں من وصلوی کے دعووں ریاست مدینہ کے خواب سنتے سفر جاری رہا مگر حقیقی مقتدر قابض طبقہ اپنی شطرنج کی بساط بہت مہارت سے چل رہا تھا کیونکہ آنے والے چالیس سال کے لیے ایک بار پھر ایک شخصیت کے سحر کو پیدا کیا جارہا تھا اور ایک شخصیت کے سحر کو چیلنج کیا جا رہا تھا۔ دھرنے بڑے بڑے جلسوں مینیجڈ میڈیا کے ذریعہ عام لوگوں کو مرعوب کر لیا گیا اور نفرت کے گھوڑے پہ سوار کرکر معاشرتی و سیاس قدروں کو روند دیا گیا مطلوبہ نتایج 2018 تک حاصل کر لیے گیے۔
گر چہ وقت تکمیل پاکستان کا تھا مگر ترقی کا جنازہ شاید ابھی بھی منتظر تھا سو پولی پول ڈھولکی کا سوز ایک بار پھر جنازہ سے رسنا شروع ہو گیا اور یوں آج پھر ریلی کے ریلے ہیں اور ایک بار پھر ہم جیسے جانے کتنے اس میں بہہ رہے ہوں گے چونکہ مقتدر طبقہ نے اس عہد کی اک پوری نسل کے جنازہ پہ اپنے اقتدار خفیہ کو دوام بخشنا ہے۔عرب نما مقدسات کی اس دھرتی پہ بڑے بیانیے بڑے جرنیل بڑے جج بڑے ادارے بڑے لیڈر کسی دیوتا سے کم نہیں مانے جاتے اور دیوتا اور ان کے ممدو پولی پولی ڈھولکی کا درس ستر سال دیے جا رہے ہیں دیے جا رہے ہیں۔مگر عوام کے مساٸل کے جنازے کو وقت پر سپرد خاک کرنے کو تیار نہیں کیونکہ ان کو دوام پولی پولی ڈھولکی سے ہے۔