ملتان۔ ۔ ریڈیو،ٹی وی اورسٹیج کے نامورگلوکارنعیم الحسن ببلوکی چوتھی برسی 6جون کو منائی جائے گی۔نعیم الحسن ببلو کابنیادی تعلق مظفرگڑھ سے تھا۔ انہوں نے ملتان سے تعلیم حاصل کی اور سکول کے زمانے سے ہی گلوکاری شروع کردی ۔
نعیم الحسن ببلو کاشمار ملتان میں پاپ میوزک متعارف کرانے والوں میں ہوتاہے۔انہوں نے 80کی دہائی میں پاپ بینڈ”میرا”گروپ کی بنیادرکھی جس میں ان کے ساتھ جاویدباری ،مختارباری اورڈگلس جیری بھی شامل تھے۔وہ زکریایونیورسٹی کے شعبہ موسیقی اورملتان آرٹس کونسل میں موسیقی کی تعلیم دیتے رہے۔نعیم الحسن ببلو 6جون 2021کو عارضہ جگر کے باعت انتقال کرگئے تھے۔نام ور براڈ کاسٹر اور ریڈیو پاکستان کے سابق کنٹرولر پروگرامز آصف خان کھیتران نے گردو پیش سے بات چیت کرتے ہوئے کہا نعیم الحسن ببلو کے ساتھ گزرا وقت ہمارا اثاثہ ہے ملتان میں موسیقی کے فروغ کے لیے ان کی خدمات کبھی فراموش نہیں کی جائیں گی ۔
نعیم الحسن ببلو نے ملتان میں پاپ میوزک متعارف کرایا : آصف کھیتران ۔۔ چوتھی برسی 6جون کو منائی جائے گی
ایڈیٹر27 Views
