اسلام آباد:رواں مالی سال کے پہلے 4 ماہ کے دوران تجارتی خسارہ 7 ارب 41 کروڑ ڈالر ریکارڈ کیا گیا۔
ادارہ شماریات کی طرف سے جاری کردہ اعداد و شمار کے مطابق گزشتہ مالی سال کی نسبت جولائی سے اکتوبر درآمدات میں 18.54 فیصد کی کمی ریکارڈ کی گئی جب کہ 9 ارب 61 کروڑ ڈالر کی برآمدات ریکارڈ ہوئیں۔
اعداد و شمار میں بتایا گیا ہے کہ جولائی سے اکتوبر کے دوران 9 ارب 61 کروڑ ڈالر کی برآمدات ریکارڈ ہوئیں گزشتہ سال اسی عرصے کے دوران 9 ارب 55 کروڑ ڈالر کی برآمدات ریکارڈ ہوئی تھیں۔
جولائی سے اکتوبر کے دوران 17 ارب 3 کروڑ ڈالر کی درآمدات ریکارڈ ہوئیں جو گزشتہ مالی سال اسی عرصے میں 20 ارب 91 کروڑ ڈالر سے زائد کی تھیں۔
اعداد و شمار کے مطابق ستمبر کی نسبت اکتوبر میں برآمدات میں 9.33 فیصد کا اضافہ ریکارڈ ہوا، رواں مالی سال اکتوبر کے دوران 2 ارب 70 کروڑ ڈالر سے زائد کی برآمدات ہوئیں۔
اکتوبر 2023 کے دوران 4 ارب 80 کروڑ ڈالر درآمدات ریکارڈ ہوئیں جو ستمبر کی نسبت 20.33 فیصد کم ہیں۔
(بشکریہ: جیو نیوز)
