کمشنر عامر خٹک کا ملتان سے راولپنڈی تبادلہ : مس مریم خان نئی کمشنر تعینات

ملتان : کمشنر ملتان ڈویژن انجینئیر عامر خٹک کا فوری طور پرکمشنر راولپنڈی کی خالی اسامی پر تبادلہ کر دیا گیا ہے ۔ ان کی جگہ مس مریم خان(گریڈ 20) کو کمشنر ملتان ڈویژن کے عہدے پر تعینات کیا گیا ہے۔
انجینئر عامر خٹک کو کمشنر راولپنڈی ڈویژن تعینات کرنے کے احکامات گورنمنٹ آف دی پنجاب، سروسز اینڈ جنرل ایڈمنسٹریشن ڈیپارٹمنٹ سیکشن(سروسز۔l) کی جانب سے جاری کئے گئے ہیں۔
یادرہے کہ اس سے پہلے ڈائریکٹر جنرل، راولپنڈی ڈویلپمنٹ اتھارٹی (آر ڈی اے)راولپنڈی، محمد سیف انور (گریڈ19)، کمشنر راولپنڈی ایڈیشنل چارج پر ذمہ داریاں نبھا رہے تھے ۔ کمشنر عامر خٹک گزشتہ کئی برسوں سے ملتان میں تعینات تھے ۔ اس سے پہلے انہوں نے ڈپٹی کمشنر ملتان کی حیثیت سے بھی خدمات انجام دیں ۔