لاہور: وفاقی وزیر دفاع خواجہ آصف نے نئے آرمی چیف کے حوالے سے وزیراعظم ہاؤس کو موصول ہونے والی سمری کی تردید کر دی ہے۔وفاقی وزیر دفاع نے سماجی رابطے کی ویب سائٹ ٹویٹر پر اپنے ایک بیان میں لکھا کہ وزیراعظم کو ابھی سمری موصول نہیں ہوئی، سمری کی وزیراعظم ہاؤس میں وصولی کنفرم وقت پر کی جائے گی۔
دوسری طرف وفاقی وزیر اطلاعات مریم اورنگزیب نے سماجی رابطے کی ویب سائٹ ٹویٹر پر لکھا کہ وزیر دفاع خواجہ آصف سے منسوب بیان درست نہیں، آرمی چیف کی تعیناتی سے متعلق سمری تاحال وزیراعظم ہاؤس میں موصول نہیں ہوئی، قیاس آرائیاں نہ کی جائیں، سمری موصول ہونے پر اطلاع دے دی جائے گی۔
بشکریہ دنیا نیوز