ملتان(گردوپیش نیوز ) ممتاز ماہرِ تعلیم پروفیسر ڈاکٹر حسان خالق قریشی نے ایمرسن یونیورسٹی ملتان کے وائس چانسلر کے عہدے کا باقاعدہ چارج سنبھال لیا۔ ان کی تقرری کا نوٹیفکیشن مجاز اتھارٹی کی جانب سے رواں ہفتے جاری کیا گیا تھا۔
پروفیسر ڈاکٹر حسان خالق قریشی ممتاز ماہرِ تعلیم، محقق اور منتظم ہیں۔ وہ اس سے قبل نیشنل یونیورسٹی آف سائنسز اینڈ ٹیکنالوجی (NUST) اسلام آباد میں بطور ٹینیورڈ پروفیسر خدمات انجام دے رہے تھے.ڈاکٹر حسان خالق قریشی کا ملتان کے علمی گھرانے سے تعلق ہے ۔۔ ان کے والد ڈاکٹر عبدالخالق قریشی بھی ایمرسن کالج میں کیمسٹری کے پروفیسر تھے ۔وہ ملتان میں علامہ اقبال اوپن یونیورسٹی کے بانی ڈائیریکٹر تھے اور 1970 کے عشرے میں اس یونیورسٹی سے منسلک ہوئے اور طویل عرصہ تک خدمات انجام دیں ۔
وائس چانسلر کے عہدے کا چارج سنبھالنے پر یونیورسٹی انتظامیہ، فیکلٹی اراکین، طلبہ اور علمی و تعلیمی حلقوں نے ڈاکٹر حسان خالق قریشی کو خوش آ مدید کہا ۔
اس موقع پر مختلف تعلیمی سماجی اور ادبی حلقوں نے امید ظاہر کی کہ پروفیسر ڈاکٹر حسان خالق قریشی کی قیادت میں ایمرسن یونیورسٹی ملتان میں تعلیمی معیار مزید بہتر ہوگا، تحقیق کے فروغ کو تقویت ملے گی اور ادارے کی مجموعی ترقی میں نمایاں پیش رفت ہوگی۔
پروفیسر ڈاکٹر حسان خالق قریشی ایمرسن یونیورسٹی ملتان کے نئے وائس چانسلر : چارج سنبھال لیا
ایڈیٹر43 Views
