ملتان سمیت پورے جنوبی میں یوم دفاع پر تقریبات : ہمیں مسلح افواج پر فخر ہے ۔۔حمید رضا صدیقی

ملتان : ملک بھر کی طرح ملتان سمیت پورے جنوبی پنجاب میں یو م دفاع پاکستان اس عزم کے ساتھ منایا گیاکہ پاکستان کی سلامتی اور خود مختاری کے لیے کسی قربانی سے دریغ نہیں کیا جائے گا۔اس موقع پر مختلف سماجی اور ثقافتی تنظیموں کے زیر اہتمام تقریبات منعقد ہوئیں۔مختلف سکولوں اور کالجوں میں اس دن کی مناسبت سے خصوصی پروگراموں کا اہتمام کیا گیا تھا جن میں تقریری مقابلے اور ملی نغموں کے مقابلے شامل ہیں۔
یوم دفاع کے موقع پر نامور ماہر تعلیم اور محقق حمید رضا صدیقی نے اے پی پی سے بات چیت کرتے ہوئے کہاکہ آج بھی 1965 ء کا جذبہ بیدار کرنے کی ضرورت ہے ہمیں فخر ہے کہ ہمارا دفاع مضبوط ہاتھوں میں ہے پاکستان کی مسلح افواج نے ہر مشکل وقت میں قوم کو مصائب سے نکا لاہمیں اپنے جوانوں پر فخر ہے۔ ہمیں یقین ہے کہ آنے والے دنوں میں بھی جو عناصر مایوسی پھیلا رہے ہیں انہیں منہ کی کھانا پڑے گی۔