غیر شرعی نکاح کیس میں بانی پی ٹی آئی اوربشریٰ بی بی پر فرد جرم عائد نہ ہو سکی

راولپنڈی: غیر شرعی نکاح کے کیس میں بانی پی ٹی آئی عمران خان اور بشریٰ بی بی پرفرد جرم عائد نہ ہو سکی۔
راولپنڈی کی مقامی عدالت میں کیس کی سماعت سینئر سول جج قدرت اللہ نے کی جہاں عدالت میں بشریٰ بی بی پیش نہ ہوئیں۔
بانی پی ٹی آئی اور بشریٰ بی بی کی عدالت میں عدم موجودگی کے باعث دونوں پر فرد جرم عائد نہیں ہوئی جس پر بشریٰ بی بی کے وکلا نے عدالت میں ایک دن کی استثنیٰ کی استدعا کر دی۔
عدالت نے بشریٰ بی بی کا میڈیکل گراؤنڈ پر ایک روز کا استثنیٰ منظورکرتے ہوئے کیس کی سماعت 15 جنوری تک ملتوی کر دی، اب دونوں پر اگلی سماعت پر فرد جرم عائد کی جائے گی۔
(بشکریہ: جیو نیوز)