ملتان : سابق رکن صوبائی اسمبلی سبین گل اورتحریک انصاف پی پی 222کی ٹکٹ ہولڈرشازیہ عباس کھاکھی نے سیاست اورپارٹی چھوڑنے کااعلان کیاہے ۔
سبین گل نے ایک ویڈیوپیغام میں کہاکہ میں نے ہمیشہ پرامن سیاست کی میرازمانہ طالب علمی سے سیاسی کیریئررہاجس میں کبھی جلاﺅ گھیراﺅ کاحصہ نہیں بنی ۔میں 9مئی کے واقعات کی مذمت کرتی ہوں ،9مئی کے جلاﺅ گھیراﺅ کابھی حصہ نہیں تھی ۔میں بریسٹ کینسر کی مریضہ ہوں اورصحت کی خرابی کے باعث سیاست جاری نہیں رکھ سکتی ۔
شازیہ عباس کھاکھی نے بھی ایک ویڈیو پیغام کے ذریعے پی ٹی آئی چھوڑنے کااعلان کیا ۔انہوں نے کہاکہ میں اپنے مرحوم شوہر غلام عباس کھاکھی کے حلقے سے منتخب ہوئی تھی میں 9مئی کو عمرے کی ادائیگی کے لئے ملک سے باہر تھی مجھے دفاعی تنصیبات پرحملے دیکھ کر دکھ ہوا ۔۔
