ملتان۔ (اے پی پی):قومی اسمبلی کے سابق رکن نواب حیات اللہ خان ترین طویل علالت کے بعد لاہورمیں انتقال کرگئے۔وہ ڈاکٹرزہسپتال میں زیرعلاج تھے۔
حیات اللہ ترین کاتعلق تحصیل دنیاپورسے تھا۔میلسی اوردیگرعلاقوں میں ان کی زرعی زمینیں تھیں ۔وہ 1985ءمیں پہلی بار صوبائی اسمبلی کاالیکشن لڑے ، پی پی 178میں ان کے مد مقابل سعیداحمدخان منیس نے کامیابی حاصل کی ۔1988ءمیں وہ اسی حلقہ سے دوبارہ پی پی کے ٹکٹ پرمیدان میں آئے اورکامیابی حاصل کی ۔1990ءمیں وہ کہروڑپکاضلع لودھراں سے آئی جے آئی کے ٹکٹ پرایم این اےمنتخب ہوئے۔
فروری 2008ءمیں انہیں پیپلزپارٹی کےٹکٹ پراسی حلقے سےکامیابی ملی ۔ بعد ازاں انہوں نے اس نشست سے استعفیٰ دیدیا۔اگست 2010ءدوبارہ پیپلزپارٹی کی ٹکٹ پر الیکشن لڑااورناکام ہوگئے ۔ان کے دورمیں علاقے میں بہت سے ترقیاتی کام ہوئے سڑکیں اورسکول بنے جبکہ کئی سکولوں کو اپ گریڈ کیاگیا۔
