معیشت تباہ ہوگئی ،ہارس ٹریڈنگ کے ذریعے مسلط کردہ امپورٹڈ حکومت قبول نہیں:عمران خان

لاہور: تحریک انصاف کے چیئرمین عمران خان نے کہا ہے کہ سازش اور ہارس ٹریڈنگ کے ذریعے قوم پر مسلط کردہ امپورٹڈ سرکار کو ہرگز تسلیم نہیں کرتا۔سماجی رابطے کی سائٹ ٹویٹر پر عمران خان نے حکومت کی دس ماہ کی کارکردگی کے حوالے سے ایک تصویر شائع کی اور لکھا کہ دس ماہ میں حکومت نے معیشت تباہ کردی جبکہ قانون کی حکمرانی اور بنیادی حقوق ختم کردیئے۔
دہشت گردی کو اپنی ناک تلے پھیلنے کی اجازت دیے جانے پر نگاہ ڈالتا ہوں تو سوچتا ہوں کہ شہباز شریف اتنا بے شرم کیسے ہو سکتا ہے!
انہوں نے کہا کہ حکومت نے دہشت گردی کو اپنی ناک کے نیچے پھیلنے کی اجازت دی، اب جب اس پر نظر ڈالتا ہوں تو سوچتا ہوں شہباز شریف اتنا بے شرم کیسے ہوسکتا ہے؟۔
بشکریہ ایکسپریس نیوز