ملتان۔ (اے پی پی):ملتان میں بجلی کے طویل بریک ڈاؤن کے بعد بجلی کی بحالی کا عمل مکمل ہوگیا۔میپکوترجمان کے مطابق جنرل مینجر آپریشن ملتان الیکٹرک پاورکمپنی(میپکو)انجینئرز ناصر ایاز نے اپنی نگرانی میں برقی رو کی فراہمی شروع کروائی۔
بجلی کی فراہمی کاسلسلہ جنوبی پنجاب کے علاقے روجھان اورراجن پور سے ہوا۔ اس کے بعد خان پور،میانوالی گرڈاسٹیشنوں کے فیڈرز سے بھی بجلی کی فراہمی رات گئے شروع کردی گئی۔ گدو بیراج سے منسلک سسٹم سے میپکو گرڈز کو بجلی کی فراہمی رات بارہ بجے شروع ہوئی اور بارہ بجے کے بعد مرحلہ وار ملتان کے مختلف علاقوں میں برقی رو کی فراہمی کاسلسلہ شروع ہوگیا جومنگل کی صبح تک مکمل ہوگیا۔
