ملتان : ادارہ شماریات پاکستان نے مہنگائی کی ہفتہ وار رپورٹ جاری کردی ہے جس کے مطابق 29 دسمبر 2022ء کو اختتام پذیر ہونے والے ہفتہ کے دوران مہنگائی کی شرح گزشتہ سال کے اسی عرصہ کے مقابلہ میں 30 . 29 فیصد جبکہ گزشتہ ہفتہ کے مقابلہ میں یہ شرح 09 ۔ 0 فیصد بڑھ گئی ہے ۔
ملک کے 17 بڑے شہروں سے 51 اشیاء کی قیمتوں کا تقابلی جائزہ لیاگیا جس میں سے 23 اشیاء کی قیمتوں میں اضافہ اور 7 اشیاء کی قیمتوں میں کمی جبکہ 21 اشیاء کی قیمتوں میں استحکام رہا ے ۔اس ہفتہ کے دوران ملک میں فارمی مرغی، انڈے فارمی، ڈبل روٹی، دال مسور، دال چنا، دال ماش، دال مونگ، کیلا، لہسن، پیاز، تازہ دودھ، چاول باسمتی، دہی، آٹا، چاول اری 9 /6, کپ چائے، جلانے والی لکڑی، سرسوں کا تیل، گڑ، ایل پی جی سلنڈر، انرجی سیور، واشنگ سوپ، اور بڑا گوشت کی قیمتوں میں اضافہ ہوا ہے تاہم ٹماٹر، آلو، چینی، ویجیٹیبل گھی کھلا، کوکنگ آئل، ویجیٹیبل گھی ٹن اور الیکٹرک چارجز کی قیمتوں میں کمی واقع ہوئی ہے جبکہ چھوٹا گوشت، خشک دودھ، سرخ مرچ پسی، نمک، چائے کی پتی، ماچس، سگریٹ، پلیٹ دال، پلیٹ بیف، کلاتھ، جارجٹ، لان پرنٹڈ، شرٹنگ، صابن، مردانہ سینڈلز، زنانہ سینڈلز، گیس چارجز، پٹرول سپر، ہائی سپیڈ ڈیزل اور لوکل کال کی قیمتوں میں استحکام رہا ہے،
