جب میں ایف سی کالج میں جب زیر تعلیم تھا تو ڈاکٹراختر شمار صاحب سے اقبالیات کا ایک کورس پڑھا تھا پھر جب ایف سی کالج اردو سوسائٹی کا صدر منتخب ہوا تو ڈاکٹر صاحب سے ہر دوسرے روز ملاقات ہوتی اور کافی دیر تک ان کی شخصیت سے فیض حاصل کرتا ۔۔
ڈاکٹر صاحب ان ملاقاتوں میں اپنی زندگی کے دلچسپ واقعات سناتے، وہ ایک انتہائی درویش صفت انسان تھے، تصوف سے عشق تھا اور اس پر بات کرنے کا شوق بھی، استاد محترم نے اردو سے حقیقی معنوں میں روشناس کرایا ایک دفعہ میری کسی غلطی کی وجہ سے خفا ہوگئے تو مجھے منانے کے لیے مصلحتاً جھوٹ بولنا پڑا۔۔ ڈاکٹر صاحب فوری طور پر شفقت کرنے لگے اور سمجھایا کہ بیٹا ایسے نہیں ایسے کرتے ہیں ،
ابھی کچھ دن پہلے بات ہوئی تو فرمانے لگے کہ طبعیت ناساز ہے دعا کرنا لیکن کیا پتا تھا کہ اس کے بعد وہ کبھی بات ہی نہیں کریں گے
کل بچھڑنا ہے تو پھر عہد وفا سوچ کے باندھ
ابھی آغاز محبت ہے گیا کچھ بھی نہیں
