مظفرگڑھ کے 104 موضوعات کو ہائی فلڈ وارننگ جاری، خانیوال میں فاضل شاہ پرفلڈ ریسکیو کیمپ قائم

مظفرگڑھ :انتظامیہ کی طرف سے ضلع مظفرگڑھ کے 104 موضوعات کو ہائی فلڈ وارننگ جاری،
اسسٹنٹ کمشنر مظفرگڑھ سید جمیل حیدر شاہ نے تحصیل مظفرگڑھ کے پٹواریوں اور گرداوروں کو ہدایات جاری کی ہیں کہ وہ فوری طور پر دریائے چناب کے ساتھ واقع مواضعات جواناں بنگلہ سے لے کر روہیلانوالی تک.رنگپور،مکو جمال،چبوترہ آڈھا،ٹھہڑی،سروانی،خدائی،لنگرسرائے، مرادآباد، خانپور، سنکی. خانگڑھ،ٹھٹہ قریشی،دوآبہ،روہیلانوالی سمیت 104 موضعات کے رہائشیوں کو سیلاب کے شدید خطرہ سے آگاہ کریں اور انہیں اپنے مال مویشیوں سمیت محفوظ مقامات پر منتقل ہونے کی تاکید کریں،
اسسٹنٹ کمشنر نے بتایا ہے کہ بھارت نے دریائے چناب میں 3 لاکھ کیوسک فٹ پانی چھوڑ دیا ہے جبکہ ایک لاکھ 20 ہزار کیوسک فٹ پانی اس وقت دریائے چناب میں چل رہا ہے انہوں نے کہا کہ یہ ٹوٹل 4 لاکھ کیوسک فٹ ہو جائے گا جو ہائی فلڈ کے زمرے میں آتا ہے،
انہوں نے پٹواری اور گردانہ حضرات کو ذاتی طور پر متذکرہ بالا مواضعات میں جا کر لوگوں کو مال مویشیوں سمیت اپنے گھر چھوڑ کر محفوظ مقامات پر منتقل کرانے کی تاکید کی ہے،
انہوں نے مزید کہا کہ انتظامیہ نے ان علاقوں میں 12 ریلیف کیمپ بھی قائم کر دیئے ہیں۔
دریں اثناء ڈپٹی کمشنرشاہد فرید کی ہدایت پر ڈسٹرکٹ ایمرجنسی آفیسر ریسکیو 1122 ڈاکٹر خالد محمود کی زیر نگرانی ریسکیو 1122 کی جانب سے دریاۓ چناب بمقام فاضل شاہ فلڈ ریسکیو کیمپ قائم کر دیاگیاہے ۔ تاحال ضلع خانیوال میں سیلابی صورتحال نہیں ہے۔ این ڈی ایم اے کی جانب سے ریسکیو 1122 کو الرٹ رہنے کے احکامات جاری کر دئیۓ گے ہیں ۔ خدانخواستہ اگر کوئی سیلابی صورتحال پیدا ہو تو عوام کو بروقت ریلیف فراہم کیا جاسکے ۔ ڈسٹرکٹ ایمرجنسی آفیسر ڈاکٹر خالد محمود کا کہنا تھا کہ ریسکیو 1122 جوان ہمہ وقت تیار ہیں اور کسی بھی قسم کی ایمرجنسی صورتحال پر قابو پانے کی بھر پور صلاحیت رکھتے ہیں ۔