قارئین کرام اور بھی بہت سے عنوان تھے کالم کے لحاظ سے مگر آج کی تحریر میرا ذاتی تجربہ اور میری سوچ کی عکاس ہے ۔آپ تمام قارئین کا حق ہے اسے تسلیم کریں یا اختلاف کریں۔
ہمارے ملک پاکستان میں مہنگائی اپنے عروج پر ہے اس کا ذمہ دار اگر صرف حکومت کو کہیں تو غلط ہو گا بڑے افسوس کا مقام ہے اس تمام تر حالات کے ذمہ دار وہ منافع خور سود خور مگر مچھ تاجر ہیں خدا جانے ان کے پیٹ کیوں نہیں بھرتے ملک کے کسان سال بھر محنت کرکے فصلیں اگاتے ہیں آج کل کے موسم میں جب ہم بستر سے نہیں اٹھ پاتے اس وقت ہمارے ملک کا کسان اپنی فصلوں کو پانی لگا رہا ہوتا ہے ستم یہ کہ اس وقت ڈی اے پی 9000کو کراس کر گئی ہے اس میں حکومت کی نااہلی ہے مگر جب میرے دیس کا کسان اپنی فصلیں تیار کر لیتا ہے تو یہ منافع خور تاجر سرمایہ درا ڈاکو جو اپنے پیٹ کی جہنم بھرنے میں مصروف ہیں کوڑیوں کے داموں غذائی اجناس لے کر مارکیٹوں میں منافع کماتے ہیں اور مہنگائی کا سب سے بڑا سبب تاجر ہیں 80فیصد تاجر بد نیت ہیں 20فیصد حکومت کی نااہلی ہے
دل کے پھپھولے جل اٹھے سینے کے داغ سے
اس گھر کو آگ لگ گئی گھر کے چراغ سے
افسوس کہ مملکت ریاست مدینہ پاکستان کے تاجر صرف ناجائز منافع کماتے ہیں اور دولت کی ہوس نے انہیں اندھا کر دیا ہے خدارا کچھ خیال کریں اور اس ملک پر رحم کریں اور جائز نفع لیں تاکہ کسان اور عوام سب خوشحال ہو جائیں حکومت وقت کی یہ ذمہ داری ہے کہ ایسے اقدامات کرے کہ جس سے مہنگائی پر قابو اور کسانوں کے لیے اچھے اقدامات کریں تاکہ کسان خوشحال ہو ۔
