ملتان : 26 ڈاکٹروں سمیت طبی عملے کے 33 ارکان میں کورونا کی تصدیق

ملتان : ملتان میں کورونا وائرس کا شکار ہونے والےڈ اکٹروں اور طبی عملے کی تعداد 33 ہو گئی ہے ۔ پی ایم اے کے مطابق نشترہسپتال ملتان میں 26ڈاکٹروں سمیت طبی عملے کے 33ارکان کورونا وائرس کاشکارہوگئے ہیں۔پاکستان میڈیکل ایسوسی ایشن(پی ایم اے) کی جانب سے جاری کی گئی فہرست کے مطابق اب تک 26ڈاکٹروں ،3نرسوں اورپیرامیڈیکل سٹاف کے چارارکان میں کورونا وائرس کی تصدیق ہوگئی ہے۔
جن ڈاکٹروں کا ٹیسٹ پازیٹو آیا ان میں ڈاکٹرعدیل، ڈاکٹر امجد نثار، ڈاکٹر قدوس، ڈاکٹر میاں خضر، ڈاکٹر تسکین، لیڈی ڈاکٹر ثمرہ ، ڈاکٹر اسماعیل، ڈاکٹر عاصم، ڈاکٹر ارسلان، ڈاکٹر سعید چوہدری، ڈاکٹر صائم، ڈاکٹر عمر،ڈاکٹر اعجاز، ڈاکٹر ساجد، ڈاکٹر وہاب،لیڈی ڈاکٹر نور ،لیڈی ڈاکٹر اقصی ،ڈاکٹر صدیق، ڈاکٹر شیر علی، ڈاکٹر تحسین، ڈاکٹر مہرفاروق، ڈاکٹر ناصر، ڈاکٹر آصف یسین،ڈاکٹر مدثر، ڈاکٹر ندیم اورلیڈی ڈاکٹر عروہ زبیر شامل ہیں۔ نرسوں میں امبر شفیق، نسیم ریاض اور شمائلہ کے ٹیسٹ پازیٹو آئے جبکہ پیرامیڈیکل سٹاف کے متاثرہ افراد میں جاویدوارڈ کلینر آئی سی یو، اشفاق شعبہ نیفرالوجی،ارسلان شعبہ نیفرالوجی اور ماجد شعبہ نیفرالوجی شامل ہیں۔ڈاکٹروں اور پیرامیڈیکل سٹاف کے ٹیسٹ پازیٹو آنے کے بعد انہیں آئیسولیشن وارڈ منتقل کردیاگیا جہاں اسے انہیں طیب اردگان ہسپتال مظفرگڑھ منتقل کردیا جائے گا۔
دریں اثناءڈاکٹروں نے حفاظتی سامان کی کمی کی شکایت کی ہے اور کہا ہے کہ فرنٹ لائن پر لڑنے والوں کے لیے موثر حفاظتی انتظامات یقینی بنائے جائیں۔دوسری جانب جناح ٹاﺅن ملتان میں کورونا وائرس کاشکارہونے والے طاہر نواز کے گھر کام کرنے والی خاتون ثمینہ اورا س کے خاندان کے افرادکے کورونا ٹیسٹ کے نتائج آگئے ہیں۔ضلعی ا نتظامیہ ملتان کے مطابق اس گھر سے 12افراد کے نمونے ارسال کیے گئے تھے۔12میں سے 9افراد کے نتائج منفی اور تین کے مثبت آئے ہیں۔ گھر میں کام کرنے والی خاتون ثمینہ ، اس کے خاوند ،بیٹے ، ساس اور دیگررشتہ داروں کا کورونا رزلٹ نیگیٹو ہے جبکہ اس کے 65سالہ سسر اور دو کم عمربچوں کارزلٹ مثبت آیا ہے۔