کرکٹ کے 10 ویں ورلڈ کپ کا سیمی فائنل آج 2 روایتی حریفوں پاکستان اور بھارت کے درمیان کھیلا جائے گا. عالمی میگا ایونٹ کے فائنل سے قبل یہ بڑا فائنل بن گیا ہے جسے ماضی کی یاد یا گزرے زمانے کی طرز پر براہ راست ٹیلی کا سٹ کیا جائے گا.کرکٹ کو کور کرنے والے ادارے اسے Retrolive نشر کریں گے.کرکٹ کی عالمی تنظیم باضابطہ اسے لائیو ٹیلی کا سٹ کرے گی.میچ کو فرضی طور پر ایسا رنگ اس لئے دیا جارہا ہے کہ کورونا وائرس کی وجہ سے کرکٹ شائقین گھروں میں بند ہیں اسلئے وہ میچ سے لطف اندوز ہوسکیں.
یاد رہے کہ 10 ویں ورلڈ کپ 2011کا سیمی فائنل 30 مارچ کو موہالی میں کھیلا گیا تھا. پاکستان بھارت کیخلاف ورلڈ کپ تاریخ میں کبھی کامیاب نہیں ہوا. ایم ایس دھونی اور شاہد آفریدی الیون کے مابین مقابلے میں بھارت کو فیورٹ جبکہ پاکستان کو یقینی خطرے سے تعبیر کیا گیا تھا. کامران اکمل، حفیظ،اسد شفیق،یونس خان ،مصباح الحق، عمر اکمل اور شاہد آفریدی تک 8 بلے بازوں کے کھلائے جانے کا امکان تھا.عبد الرزاق،وہاب ریاض ،عمر گل اور سعید اجمل کی بائولنگ لائن میں آل رائونڈرز بھی موجود تھے.
29 مارچ 2020کو آئی سی سی نے ورلڈ کپ 2015 کے فائنل کی یادیں تازہ کیں.اس دن کرکٹ کے 11 ویں ورلڈ کپ کا فائنل آسٹریلیا اور نیوزی لینڈ میں کھیلا گیا تھا جسے گزشتہ روز اسی طرح ہی براہ راست دکھایا گیا. آسٹریلیا نے یہ فائنل جیت لیا تھا.
