سعودی عرب اور ایران کے درمیان سفارتی تعلقات کی بحالی میں ایک اور اہم پیشرفت ہوئی ہے۔
رپورٹس کے مطابق قونصل خانے کی دوبارہ بحالی کیلئے سعودی تکنیکی وفد ایران پہنچ گیا جس کی سربراہی سینیئر سفارت کار ناصر بن عوض آل غنوم کر رہے ہیں۔
رپورٹس میں کہا گیا ہے کہ وفد ایرانی حکام کے ساتھ سفارتی مشنوں کی بحالی کے مکینزم پر بات چیت کرے گا۔
سعودی اور ایرانی وزرائے خارجہ کی بے تکلف گفتگو کی ویڈیو نے دیکھنے والوں کے دل جیت لیے
ایرانی میڈیا کے مطابق ایرانی شہر مشہد میں قائم سعودی قونصل خانے کو دوبارہ کھولنے پر بات چیت کی جائے گی۔
دوسری جانب سعودی وفد نے ایرانی وزارت خارجہ میں پروٹوکول ڈپارٹمنٹ کے سربراہ سے بھی ملاقات کی ہے۔
خیال رہے کہ گزشتہ دنوں سعودی اور ایرانی وزرائے خارجہ نے چین نے ملاقات کی تھی جس میں سفارتخانے اور قونصل خانے دوبارہ کھولنے پر اتفاق کیا تھا۔
ایران نے جدہ اور سعودی عرب نے مشہد میں قونصل خانہ دوبارہ کھولنے کا اعلان کیا تھا۔
(بشکریہ:جیونیوز)
