پاک انگلینڈ ٹیسٹ میچ ملتان: ٹیموں کی آمد کے ساتھ ہی کئی سڑکیں نو گو ایریاز بن گئیں

ملتان : (اے پی پی) ملتان میں پاکستان اورانگلینڈ کی کرکٹ ٹیموں کی آمد سے ایک روز قبل ہی شہر کی مرکزی شاہراہوں کو نوگوایریاقراردیدیاگیا۔
دونوں ٹیمیں جن ہوٹلوں میں قیام کریں گی وہ چوک نواں شہر کے قریب عظمت واسطی روڈ اورابدالی روڈ پر واقع ہیں ۔ابدالی روڈ پر دل کے امراض کاواحد ہسپتال بھی موجودہے اوریہ سڑکیں پیر سے ٹریفک کے لئے بند ہیں ۔سڑکوں کی بندش کے باعث شہرکی تمام شاہراہوں پر ٹریفک بلا ک ہوگئی جبکہ زکریایونیورسٹی کوبھی میچ کے دوران بند کردیاگیاہے ۔ملتان کے سینئر سپورٹس رپورٹر ندیم قیصرنے اے پی پی سے چیت کرتے ہوئے کہاکہ ملتان میں کرکٹ ٹیموں کی آمد ہمیشہ شہریوں کے لئے وبال بن جاتی ہے ۔ان ٹیموں کو شہر کی بجائے سٹیڈیم کے قریب کسی ہوٹل میں ٹھہراناچاہیے تاکہ شہرمیں زندگی کے معمولات جاری رہ سکیں ۔
دونوں ٹیمیں منگل کے روزچارٹرڈطیارے کے ذریعےراولپنڈی سے ملتان پہنچیں ۔کل بدھ کو یہ ٹیمیں سٹیڈیم میں پریکٹس کریں گی ۔جس کے بعد 9دسمبرسے 13دسمبرتک پاکستان اورانگلینڈ کے درمیان رواں سیریز کادوسراٹیسٹ میچ کھیلاجائے گا۔