نام ور اداکارہ شمیم آراء کی چار شادیوں کی کہانی : آج 9 ویں برسی منائی جا رہی ہے

ملتان ۔۔ گردوپیش نیوز ۔پاکستان فلم انڈسٹری کی نامور اداکارہ و ہدایتکارہ شمیم آرا کی9 ویں برسی آج 5 اگست بروز منگل کو منائی جا رہی ہے ۔
وہ 1938میں ہندوستان میں پیدا ہوئیں،ان کا اصل نام پتلی بائی تھا،شمیم آرا کی پہلی سپر ہٹ فلم سہیلی تھی جس نے انہیں شہرت کی بلندیوں پر پہنچا دیا۔
انہوں نے درجنوں فلموں میں کامیابی سمیٹی جن میں انارکلی،کنواری بیوہ، فرنگی، ہمراز، آگ کا دریا،آنچل اور قیدی شامل ہیں۔شمیم آرا کی جوڑی چاکلیٹی ہیرو وحید مراد کے ساتھ بہت پسند کی گئی،پاکستان میں پہلی رنگین فلم نائلہ میں انہوں نے اپنی اداکاری کے جوہر دکھائے۔انہیں کامیاب خاتون ہدایت کارہ ہونے کا اعزاز بھی حاصل ہے۔ وہ 5 اگست2016 کو وفات پا گئی تھیں ۔
شمیم آراء نے چار شادیاں کیں ۔ پہلی شادی بلوچستان کے ایک رند نامی سردار سے کی ۔ کار کے ایک حادثے میں سردار رند کی موت کے بعد شمیم آرا نے اگفا کلر فلم کمپنی کے مالک گھرانے کے نوجوان عبدالمجید کریم سے دوسری شادی کی۔ شمیم آرا نے تیسری شادی ڈبلیو زید احمد کے بیٹے فرید احمد سے کی۔ یہ شادی بھی طلاق پر ختم ہوئی۔ چوتھی شادی انہوں نے ڈھلتی عمر میں دبیر الحسن سے شادی کی۔