کورونا نے میجر جنرل عبیرہ چوہدری کے جواں سال بیٹے کی جان لے لی

واشنگٹن : حال ہی میں میجرجنرل کے عہدے پر ترقی پانے والی عبیرہ چوہدری اور ریٹائربریگیڈیئر عرفان شکر کا جواں سال بیٹا رحمان شکر واشنگٹن ڈی سی میں کورونا وائرس سے جاں بحق ہوگیا۔
26سالہ رحمان شکر ایک محنتی اور متحرک نوجوان تھا جو آئی ایم ایف میں فنانشل سسٹم سپیشلسٹ کے طورپر کام کررہاتھا۔ سوشل میڈیا پر آنے والی خبروں کے مطابق رحمان شکر کووڈ ۔19کا شکارہواجس کے بعد اسے علاج کے لیے ہسپتال منتقل کردیاگیا جہاں منگل کی رات وہ دم توڑ گیا۔ میجرجنرل عبیرہ چوہدری سینئر گائناکالوجسٹ ہیں اور ان کاشماران 36بریگیڈیئرز میں ہوتا ہے جنہیں اسی ماہ میجرجنرل کے عہدے پر ترقی دی گئی ۔
عبیرہ چوہدری کو چند روز قبل ہی میجر جنرل کارینک لگایاگیاتھا۔ بریگیڈیئر ریٹائرڈ عرفان شکر آرمی میڈیکل کور سے منسلک تھے اور آج کل فاﺅنڈیشن یونیورسٹی اسلام ا ٓباد میں شعبہ طب کے سربراہ ہیں۔