ممبئی : نام ور گلوکارہ لتا منگیشکرکے انتقال کی افواہ نے انکے پرستاروں کو پریشان کر دیا . یہ افواہ سوموار کے روز واٹس ایپ پر گردش میں رہی .اٹھائیس ستمبر 1929ء کو پیدا ہونے والی 90 سالہ لتا جی کو سینے میں تکلیف کے باعث ممبئی کے بریچ کینڈی ہسپتال میں داخل کروایا گیا تھا ۔ پیر کو انھیں سینے میں انفیکشن کی شکایت ہونے کے بعد ہسپتال لایا گیا تھا۔ طبیعت بہتر ہونے پر انھیں گھر منتقل کر دیا گیا جہاں ان کی صحت مستحکم ہے لتا جی کے اہل خانہ نے ٹویٹر پر پیغام دیا ہے کہ اس عظیم گلوکارہ کی زندگی کی دعا کی جاۓ .
