خضدار: زہری میں شر پسندوں نے فائرنگ کرکے بی این پی کے مرکزی رہنما نواب امان اللہ زہری اور ان کے 3 ساتھیوں کو قتل کردیا۔ لیویز ذرائع کے مطابق خضدار کے علاقے زہری میں گزشتہ شب نامعلوم افراد بی این پی کے مرکزی رہنما نواب امان اللہ زہری کے قافلے پر فائرنگ کرکے فرار ہوگئے۔ واقعے میں نواب امان اللہ ، ان کے 14 سالہ پوتے زرغام سمیت 4 افراد جاں بحق ہوگئے جب کہ مسلح افراد فرار ہوگئے۔ امان اللہ زہری علاقے میں تعزیت کے بعد واپس جا رہے تھے لاشوں کو قریبی اسپتال منتقل کردیا گیا ہے۔۔ شواہد کی روشنی میں ملزمان کی گرفتاری کے لیے کارروائی شروع کردی گئی ہے۔واقعے کی اطلاع ملتے ہی سیکیورٹی اہلکار جائے وقوعہ پر پہنچ گئے اور علاقے کو گھیرے میں لےکر سرچ آپریشن شروع کردیا ہے۔
