ملتان: لاہورہائیکورٹ ملتان بنچ نے نااہلی کے خلاف ایم پی اے سلمان نعیم کی درخواست کو ناقابل سماعت قرار دیتے ہوئے خارج کر دیا ۔تفصیلات کے مطابق ہائیکورٹ ملتان بینچ کے جج جسٹس ساجد محمود سیٹھی نے حلقہ پی پی 217 سے پاکستان تحریک انصاف کے ممبرصوبائی اسمبلی سلمان نعیم کی نا اہلی کے خلاف درخواست پر سماعت کی ۔عدالت نے درخواست گزار سلمان نعیم کو متعلقہ فورم پر رجوع کرنے کا حکم دیا ۔ واضح ہو کہ الیکشن کمیشن نے سلمان نعیم کو کم عمری اور دو شناختی کارڈز رکھنے پر نا اہل کیا تھا ۔ سلمان نعیم نے الیکشن کمیشن کے فیصلے کو کالعدم قرار دینے کی درخواست دائر کر رکھی تھی
