کیپ ٹاؤن:جنوبی افریقہ میں خاتون کے ہاں بیک وقت 10 بچوں کی پیدائش ہوئی ،خاتون نے ورلڈ ریکارڈ قائم کردیا ۔
غیرملکی میڈیاکے مطابق جنوبی افریقہ کی 37سالہ سیتھول نامی خاتون نے بیک وقت 10 بچوں کو جنم دیا جن میں 7 لڑکے اور 3 لڑکیاں شامل ہیں۔ خاتون نے مئی میں مراکش میں نو بچوں کو جنم دینے والی ملیان خاتون حلیمہ کا ریکارڈ توڑتے ہوئے نیا ورلڈ ریکارڈ بنا لیا ۔ ڈاکٹرز نے بتایا کہ تمام بچے زندہ ہیں مگر قبل از وقت پیدائش کی وجہ سے ان کا وزن کم ہے۔ڈاکٹرز کے مطابق ان بچوں کو چند ماہ کے لیے انکیبیوٹر پر رکھا جائے گا تاکہ وہ صحت مند ہوسکیں۔
رپورٹس میں بتایا گیاہے کہ خاتون اور ان کے شوہر آٹھ بچوں کی پیدائش متوقع تھی ، سیتھول جن کے ہاں پہلے سے چھ سالہ جڑواں بچے بھی ہیں ، ان کاکہنا ہے کہ وہ بچوں کی پیدائش پر ‘خوش’ اور ‘جذباتی’ ہیں۔مئی میں ، ایک مالین خاتون نے مراکش میں 9 بچوں کو جنم دیا ، جس نے ایک امریکی خاتون نادیہ سلیمان کا ریکارڈ توڑ ا تھا جس نے 2009 میں آٹھ بچوں کو جنم دیا تھا۔
(بشکریہ:سب نیوز)
