قومی اقتصادی کونسل کا اجلاس آج طلب، آئندہ مالی سال کے ترقیاتی بجٹ کی منظوری دی جائے گی

اسلام آباد: قومی اقتصادی کونسل کا اہم اجلاس آج طلب کرلیا گیا۔
ذرائع کے مطابق اجلاس وزیر اعظم شہباز شریف کی زیر صدارت ہو گا جس میں گلگت بلتستان سمیت چاروں وزرائے اعلیٰ اور صوبائی نمائندے شریک ہوں گے۔
ذرائع کا کہنا ہے کہ اجلاس میں آئندہ مالی سال کے قومی ترقیاتی بجٹ اور میکرو اکنامک فریم ورک کی بھی منظوری دی جائے گی۔
ذرائع کے مطابق آئندہ مالی سال کیلئے قومی ترقیاتی بجٹ تقریباً 4 ہزار ارب روپے اور پی ایس ڈی پی کی مد میں ایک ہزارارب روپے رکھے جانے کا امکان ہے۔
ذرائع کا کہنا ہے کہ کمیٹی نے آئندہ مالی سال کیلئے 1000 ارب روپے پی ایس ڈی پی رکھنے کی اور جی ڈی پی گروتھ 4.2 فیصد رکھنے کی منظوری دی تھی۔
ذرائع کے مطابق سالانہ پلان کوآرڈینیشن کمیٹی نے افراط زر کا ہدف ساڑھے 7 فیصد رکھنے کی منظوری دی۔
ذرائع کا کہنا ہے کہ قومی اقتصادی کونسل سالانہ پلان کوآرڈینیشن کمیٹی کے اہداف کے جائزے کے بعد تجاویز کی منظوری دے گی۔
ذرائع کے مطابق قومی اقتصادی کونسل کا اجلاس اس سے قبل 5 جون کو طلب کیا گیا تھا۔
(بشکریہ:جیونیوز)