ملتان : ملتان آرٹس کونسل کے سابق ریذیڈنٹ ڈائیریکٹر کرافٹ بازار ملتان اور دیگر ثقافتی منصوبوں کے بانی محمد علی واسطی طویل علالت کے باعث ملتان میں انتقال کر گئے ان کی عمر 74 برس تھی اور وہ کینسر کا شکار تھے ۔۔محمد علی واسطی نے نیشنل کالج آف آرٹس سے تعلیم حاصل کی وہ1981 ء میں ملتان آرٹس کونسل سے منسلک ہوئے اور 2011 ء میں ریٹائر ہو گئے ۔ ملتان میں آرٹ بازار کا قیام بھی ان کی ذاتی کوششوں کے باعث عمل میں آیا تھا۔۔ملتان کے دستکاروں ، گلوکاروں اور موسیقاروں کو انہوں نے ملتان آرٹس کونسل کے پلیٹ فارم سے دنیا بھر میں متعارف کرایا ۔۔ زندگی کے مختلف شعبوں سے تعلق رکھنے والے افراد نے ان کی وفات پر گہرے دکھ اور صدمے کا اظہار کیا ہے ۔۔ ان کی نماز جنازہ آج چار بجے سہ پہر شاہی عید گاہ ملتان میں ادا کی جائے گی ۔