کراچی میں ایک اور دل دہلا دینے والا واقعہ پیش آیا۔ قیوم آباد میں سوا سال کی بچی کے ساتھ مبینہ زیادتی کی گئی۔ پولیس نے زیادتی میں ملوث ملزم سترہ سالہ نوجوان کو گرفتار کرلیا۔
بچی کے والد کے مطابق ملزم ان کا رشتہ دار ہے جو بچی کو چیز دلانے لے کر گیا تھا ۔ بیس منٹ بعد جب واپس آیا تو بچی کی حالت غیر تھی ۔ اہلخانہ نے پولیس حکام سے انصاف کی اپیل کی ہے۔
پولیس کے مطابق بچی کو فوری طبی امداد کے لیے اسپتال پہنچایا گیا لیکن دوران علاج انتقال کر گئی۔ پولیس نے بتایا ہے کہ میڈیکل رپورٹ آنے پر بچی سے زیادتی کی تصدیق ہو گی۔
