جاوید میاں داد نے پاکستانی کرکٹ ٹیم کے کیمپس کی ’حقیقت‘ آشکارکر دی

لاہور:ورلڈ کپ نزدیک ہے اور پاکستانی کرکٹ ان تمام سیاسی تجربات کا سامنا کررہی ہے، جو ہمارےملک میں ممکن ہیں۔ کپتانوں اور چیئرمین بدل دینے اور پریس کانفرنسز تک پاکستان کرکٹ ایک مشکل دور سے گذر رہی ہے۔
اس وقت ٹیم میں دو واضح کیمپ موجود ہیں، جنہوں نے شائقین کرکٹ کے حوصلے پست کر دیے ہیں۔ بابر اعظم کی کپتانی کی پوزیشن پر واپسی ہوئی ہے، جبکہ شاہین شاہ آفریدی اختلافات کو مزید ہوا دے رہے ہیں۔
پاکستانی کرکٹ کا یہ المیہ ہے کہ یہاں پرانے کھلاڑیوں کے تجربات سے کوئی فائدہ نہیں اٹھایا جاتا اور نہ ہی ان کے مشووں کو اہمیت دی جاتی ہے۔
ایسے ہی کچھ دانشمندانہ مشورے سابق ٹیسٹ کرکٹر جاوید میاں داد کے پاس ہیں،جو انہوں نے قومی کرکٹ ٹیم کو دیے ہیں۔
جاوید میانداد ایک لیجنڈری کرکٹر ہیں ۔ انہوں نے پاکستانی کرکٹ ٹیم کو مشورہ دیا ہے کہ تمام کھلاڑیوں کو ایک ٹیم کی طرح کھیلنے اور پروفیشنل رہنے کی ضرورت ہے۔
میاںداد نے مزید کہا کہ یہ ایک کھیل ہے اوراس میں اختلافات بھی ہوسکتے ہیں، لیکن قومی ٹیم کو ذمہ داری سے کھیلنا جانا چاہیے اوراگر وہ ایسا کر لیتی ہے تو پاکستان پہلے نمبر پر آسکتا ہے۔
ایک سوال کے جواب میں جاوید میاںداد نے کہا کہ شاہین شاہ آفریدی کو کپتان ہونا چاہیے، کیونکہ انہیں صرف سیٹ پر بٹھایا گیا تھا۔ انہیں اپنی قابلیت ثابت کرنے کے لیے وقت دیا جانا چاہیے تھا۔
یاد رہے کہ وہ کپتان کی حیثیت سے شاہین آفریدی کے حق میں تھے اور ٹیم کی قیادت کرنے میں ان کی حمایت کرتے تھے۔
(بشکریہ:آج نیوز)