کراچی: طیارے حادثے نے قومی کرکٹرز کو بھی غمگین کر دیا ہے۔جمعہ کے روز کراچی میں قومی ائیر لائنز کے طیارے کو پیش آنے والے حادثے پر سابق کپتان وسیم اکرم، پیسر شعیب اختر اور سینئر آل راؤنڈر محمد حفیظ نے گہرے دکھ کا اظہار کیا ہے.
محمد حفیظ کہتے ہیں کہ نہایت افسوسناک اور غمگین کرنے والا حادثہ ہے. اللہ پاک تمام فیملیز کو حوصلہ دے .ان کے غم میں شریک ہوں.
سابق کپتان رمیز راجہ کہتے ہیں کہ کراچی ایئر پورٹ پر طیارے کے گرنے کا سن کردل پسیج گیا ہے. سال 2020 میں ہم اور کتنے حادثات و اموات دیکھیں گے .کیا یہ سال آج ہی ختم ہوسکتا ہے؟
شعیب اختر نے کہا ہے کہ دعا ہے کہ کم سے کم جانی نقصان ہو۔
وسیم اکرم کہتے ہیں کہ حادثہ قومی المیہ ہے .میں نے کبھی نہیں سوچا تھا کہ میں ایسے حادثہ کا ایک دن عینی شاہد ہوں گا ۔میں اور میری فیملی دوسروں کے ساتھ سب کے بچاؤ کی دعائیں کر رہے تھے .نیچے متعدد فیملیز براہ راست اس کی زد میں آگئی ہیں۔
