لاہور : ایف آئی اے کی ٹیم نے عمران ریاض خان کو لاہور سے دبئی جاتے ہوئے گرفتار کر لیا عمران ریاض خان کو متنازع بیان دینے پر گرفتار کیا گیا۔
ایف آئی اے ذرائع کے مطابق عمران ریاض خان کو آج مقامی عدالت میں پیش کیا جائے گا۔
واضح ہو کہ اس سے پہلے پانچ جولائی 2022 کو انہیں بغاوت کے مقدمے میں گرفتار کیا گیا تھا۔
عمران ریاض خان کے وکیل میاں علی اشفاق نے ان کی گرفتاری کی تصدیق کرتے ہوئے کہا تھا کہ عمران ریاض کو اٹک میں درج بغاوت کے مقدمے میں گرفتار کیا گیا ہے ۔ان کا کہنا تھا کہ عمران ریاض اسلام آباد آ رہے تھے اسلام آباد کی حدود سے گرفتار کیا گیا ہے، پولیس کے خلاف توہین عدالت کی درخواست دائر کر رہے ہیں
میاں علی اشفاق نے بتایا تھا کہ عمران ریاض خان کے خلاف پنجاب بھر میں 17 بغاوت کے مقدمات درج کیے گئے ہیں ۔
واضح رہے ریاستی اداروں کے خلاف بولنے کے الزام میں چار مختلف شہریوں کی شکایات پر ٹی وی اینکر اور ولاگر عمران ریاض خان کے خلاف گوجرہ میں ایک، مظفر گڑھ میں ایک اور جھنگ میں دو مقدمات درج کر لیے گئے تھے۔
یکم جون کو ڈان اخبار کی رپورٹ میں بتایا گیا تھا کہ شکایات میں کہا گیا کہ اینکر کا یہ عمل ایک بڑا جرم اور آئین کی خلاف ورزی ہے کیونکہ اس سے پاکستانی عوام کے جذبات کو ٹھیس پہنچی ہے۔
