عمران خان ملتان پہنچ گئے : آج ڈیرہ غازی خان اور ملتان میں جلسوں سے خطاب کریں گے

ملتان۔ (اے پی پی):تحریک انصاف کے چیئرمین عمران خان جنوبی پنجاب کی ضمنی انتخابی مہم کے سلسلے میں ملتان پہنچ گئے ۔وہ گزشتہ رات سے وائس چیئرمین تحریک انصاف اورسابق وزیرخارجہ مخدوم شاہ محمودقریشی کی رہائش گاہ پر مقیم ہیں ۔عمران خان نے ملتان میں قیام کے دوران پارٹی رہنمائوں سے بھی ملاقاتیں کیں اورانتخابی حکمت عملی وضع کی ۔عمران خان کی آمدکے باعث سکیورٹی کے سخت انتظامات کئے گئے ہیں ۔دولت گیٹ میں شاہ محمودقریشی کی رہائش گاہ کے باہر بیریئرلگا کرٹریفک عام لوگوں کے لئے روک دی گئی ہے جبکہ پولیس کی بڑی نفری بھی وہاں تعینات ہے ۔ عمران خان آج ڈیرہ غازی خان اور ملتان میں جلسے سے خطاب کریں گے