ویمن یونیورسٹی ملتان کی وائس چانسلر ، شریعہ اکیڈمی کی سابق ڈی جی ڈاکٹر فرخندہ ضیاء انتقال کر گئیں

اسلام آباد ۔۔ بین الاقوامی اسلامی یونیورسٹی اسلام آباد کی فیکلٹی آف شریعہ اینڈ لاء کی سابق پروفیسر اور ویمن یونیورسٹی ملتان کی وائس چانسلر ڈاکٹر فرخندہ ضیاء آج اسلام آباد میں انتقال کر گئیں۔ وہ کچھ عرصے سے علیل تھیں۔ ان کی آخری تعیناتی ویمن یونیورسٹی ملتان کی وائس چانسلر کے طور پر ہوئی تھی۔ اس سے قبل وہ بین الاقوامی اسلامی یونیورسٹی کی فیکلٹی آف شریعہ اینڈ لاء کی ڈین، شریعہ اکیڈمی کی ڈائریکٹر جنرل، اور یونیورسٹی کی وائس پریذیڈنٹ کے طور پر بھی خدمات انجام دے چکی تھیں۔
علاوہ ازیں، وہ اسلامی نظریاتی کونسل کی رکن بھی رہ چکی ہیں۔
ڈاکٹر فرخندہ ضیاء پاکستان کی پہلی باضابطہ طور پر مقرر کی گئی فل ٹائم خاتون پروفیسر آف لاء تھیں۔ چائلڈ لیبر اور چائلڈ رائٹس کے موضوعات پر ان کا تحقیقی کام موقر اداروں سے شائع ہوا.