ملتان ۔۔ گردوپیش رپورٹ ۔۔رضی الدین رضی سے ۔۔ معروف نعت گو شاعراور ماہرقانون تابش صمدانی کوہم سے بچھڑے 23 برس بیت گئے۔ تابش صمدانی کا اصل نام طفیل احمد تھا۔ وہ 20اگست 1941ء کو بیکانیر (ہندوستان)میں پیدا ہوئے۔1970ءمیں اپنے تایا کے انتقال پر تعزیت کے لیے اپنے والد خلیل صمدانی کے ہمراہ ملتان آئے اوراسی دوران میں خلیل صمدانی کا انتقال ہو گیا۔ خلیل صمدانی بھی نعت گو شاعر تھے۔ان کی وفات کے بعد تابش صمدانی نے ملتان میں ہی قیام کیا اور پاکستان کی شہریت اختیار کرلی۔انھوں نے وکالت کی ڈگری حاصل کی اوراسی پیشے سے منسلک ہو گئے۔وہ کے زیراہتمام ملتان میں نعتیہ مشاعروں میں شرکت کرتے رہے۔
نعت کے فروغ کے لیے انہوں نے بزم حسان، بزم نور اور دیگرتنظیموں سے وابستگی اختیارکی۔تین نعتیہ مجموعوں سمیت ان کے چارشعری مجموعے شائع ہوئے جن میں مرحبا سیدی،
منقبت کے پھول، نذرسعید، برگ ثناء شامل ہیں ۔ وہ گردوں کے عارضے کے باعث 16اپریل2002ء کو انتقال کرگئے۔
تابش صمدانی کے صاحبزادے رہبر صمدانی بھی نعت گو شاعر تھے جن کا بیس فروری 2021میں انتقال ہوگیا تھا ۔۔ ان کے چھوٹے صاحبزادے سرور صمدانی اور صفدر صمدانی بھی نعت گو شاعرہیں اور اپنی رہائش گاہ پر نعت کی شمع روشن رکھے ہوئے ہیں