خیرپور: ناراکینال میں باراتیوں کی کشتی الٹ گئی ،کشتی میں سوار 5 افراد کو بچا لیا گیا جبکہ 6 افراد لاپتہ ہوگئے ۔
رپورٹس کے مطابق باراتیوں کی کشتی الٹنے کا واقعہ علاقہ کھینواری کے قریب نارا کینال میں پیش آیا۔
ریسکیو ذرائع کا کہنا ہے کہ کشتی میں 11 افراد سوار تھے جن میں سے کچھ کو دیہاتیوں نے جبکہ کچھ اپنی مدد آپ کے تحت باہر آنےمیں کامیاب ہوئے ۔
ریسکیو ذرائع کے مطابق کشتی الٹ جانے سے 6 افراد لاپتہ ہوگئے ہیں جن کی تلاش جاری ہے۔
کشتی میں سوار افراد شادی کی تقریب میں شرکت کرنے کے لیے قریبی گاؤں جا رہے تھے، ڈوبنے والوں کا تعلق شر برادری سے ہے، کشتی میں سوار تمام افراد گوٹھ جمال الدین کے رہائشی تھے۔
(بشکریہ: جیو نیوز)
